ToyaBox
"من زمان، في مصر، كانت في ست اسمها تويا."
من زمان بعيد، في ربوع مصر العليا، عاشت ست اسمها تويا.
مكانتش ملكة. مكانتش بنت فرعون. كانت ست عادية ، بنت بلد، زوجة وفية، وأم بتحب من كل قلبها.
جوزها يويا كان راجل شغّال تعب وبنى بإيده وهي كانت جنبه في كل خطوة ، ربّوا أولادهم على الحب والأمانة والإيمان إن الجهد الحقيقي بيفرق.
ما كانتش تويا تعرف إن بنتها هتبقى ملكة مصر، ولا كانت تعرف إن أحفادها هيغيّروا مجرى التاريخ. كل اللي كانت تعرفه إنها بتحب و بتهتم وبتعطي بكل اللي عندها.
وده كان كفاية.
قبرها اتكشف في وادي الملوك جنب يويا كانوا متجاورين للأبد، زي ما عاشوا جنب بعض.
مكانش فيه تاج فوق راسها، بس كان في إرث في قلوب أجيال كتييير عاشوا بعدها
💛 ليه اسمها تويا؟
لما كنا بنفكر في اسم لمشروعنا، كنا بندور على حاجة مصرية حقيقية ، مش اسم إنجليزي، مش كلمة أجنبية لا كنا بندور على اسم فيه روح لقينا تويا.
ست مصرية ما اتكتبتش عنها كتب كتير، ومحدش عمل لها تمثال في الميدان ، بس أثرها فاضل في التاريخ لحد دلوقتي.
ده اللي إحنا عايزين نكونه. مش الضوضاء الكبيرة ، اللمسة اللي بتفضل.
🎁 إحنا بنؤمن إن...
الهدية الحلوة بتحكي قصة ، مش المهم الغلاء ، المهم التفكير والاختيار والإحساس اللي وراه.
اللي اتعمل بحب بيتحس بيه. كل صندوق من ToyaBox بيتجهز بإيدينا وبعنايتنا مش مجرد منتج، ده رسالة.
مصريين وفخورين بيه ، اسمنا مصري، كلامنا مصري، وروحنا مصرية — وده مش عيب، ده أصلنا.
📦 إحنا بنجيب إيه؟
- أدوات مكتبية بتخلي يومك أحلى
- هدايا بتعبّر عنك أكتر من أي كلام
- كروشيه مصنوع بإيد بتحس دفاها
- وصناديق مجمّعة بحب
عشان اللي بتهديله يحس إنه مميز.
🤝 وعدنا
كل أوردر بيوصلك زي ما إحنا كنا شايفينه بعنينا. لو في أي حاجة مش تمام إحنا موجودين.
مش بنخبي نفسنا وراء سياسات ، لا احنا بنكلم بعض زي الناس.
💬 كلمونا
إحنا موجودين — زي تويا، دايماً.
جاهز تختار هدية ليها معنى؟ تصفح منتجاتنا وابدأ الحكاية.